غير العراق ماعندك ولا عندي ..

الى أبناء وآهالی مدينة نينوى أشور والموصل الحدباء والى كل عراقي شجاع القلب والضمير .. مع المحبة

غير العراق ماعندك ولا عندي ..

أذبحني ..
مثل ماتريد
ربنا واحد
أحنا من أهل الكتاب ..

حليبنّا، دمنا ..
ماينّا، خبزتنا
شهامتنا، نخوتنا
غيرتنا، عزتنا
شرفنا، عراقيتنا ..
تاريخنا واحد
سما وگاع وتراب ..

أذبحني ..
موغريب أنتَ
أخو خيتي
انا أخو خيتك
أذا أجيتني
شلون أردك
وأسد بوجهك الباب ..

دينك سَمِّح ..
ما يعتدي
بيه الناس تهتدي
وربي سَمَّح
أدير خدي
لكلمن ضرب خدي ..

ما الك غيري ..
وغيرك ما الي
ياحزام ظهري
وروح جدك
وهو جدي ..

وشاهدنا..
أبو الأنبياء
وبيته الأول يظل
بيتك، بيتي
عراقين ، وغير العراق
ماعندك ولا عندي ..

بيدارو

» حب العراق
» يبقى العراق عراق