بيدارو العراق الأدارة
علم الدولة : الجنس : عدد الرسائل : 117 العمل أو المهنة : كاتب وشاعر وسياسي مستقل تاريخ التسجيل : 24/10/2007
| موضوع: گلّي عراقي، وأخذ عيناي .. السبت ديسمبر 22, 2007 9:50 am | |
| ياطيبة العراقي
ياتمر نخلتنا يالبن ديرتنا ياخبزة التنور من خير حنطتنا ياگيمر المعدان يا أستكان الچاي
يا ناگوط الطيب من حِب الحبيب طعم العسل وأحلى صدگني ياخايب روح الحياة مو ماي
يا صوت الربابه للفاگد احبابة يادگت العود والجوزه جوابه يارگصة الچوبي ياونت الناي
يا أبو الخيرات دجله والفرات يامهد الحضارات وبيت النبوات ياسيف المجرب والشاهد أعداي
هلا بيك هلا بگلبك هلا بروحك هلا بريحتك أحضنها وأشمنها وأحبنها هواي
يل مني وبيا يابعد أمي وأبيا دم وجسد لاخر نفس بالريّا أضل خويك وتضل أخواي
التفرقه، بذرة فِتن زرعوها أعداء الوطن لاتگربلها وخلها أتركها ياكلها العفن هيَّ المرض هيَّ الداي
لا تگلّي سني وشيعي لاتگلّي عربي وكردي لا مسيحي وصابئي لاتركماني ويزيدي گلّي عراقي وأخذ عيناي
حكمت البيداري
عدل سابقا من قبل albidari في الأربعاء فبراير 13, 2013 5:59 am عدل 1 مرات | |
|
بيدارو العراق الأدارة
علم الدولة : الجنس : عدد الرسائل : 117 العمل أو المهنة : كاتب وشاعر وسياسي مستقل تاريخ التسجيل : 24/10/2007
| موضوع: رد: گلّي عراقي، وأخذ عيناي .. الثلاثاء يناير 15, 2008 10:03 am | |
| ياطيبة العراقي
ياتمر نخلتنا يالبن ديرتنا ياخبزة الخير من حلگ تنورنا يا أستكان الچاي
يا ناگوط من حِب الحبايب يگطر عسل روح الحياة موماي
هلا بيك هلا بگلبك وروحك هلا بريحتك عراقية وأشمها وأحبها هواي
أنتَ مني وبيا دم وجسد لاخر نفس بالريّه أضل خويك وتضل أخواي
التفرقه بذره خبيثه زرعوها أهل الفتن گبل ماتنبت أحرگها هيَّ المرض هيَّ الداي
لا تگلّي سني وشيعي لاتگلّي كردي وعربي لا مسيحي وصابئي لاتركماني ويزيدي گلّي عراقي وأخذ عيناي
حكمت البيداري | |
|