الّي ما عنده إنصاف

الّي ما عنده إنصاف
الّي ما عنده إنصاف .. الّي من ربه ماخاف
جاي يطلب مني السماح .. يكَول أنسى الراح راح؟
ولك أشلون أنسى وأأمن بيك، ولو بعد يوم وياك أرتاح
..
يل حطمتني ورحت .. ياما ترجيتك صحت
أبقى لو وياك أخذني .. لاتخليني وتروح
ظيم هجرك يعذبني .. مالي حيل عالجروح
خسرت عمري بنتظارك .. وأنتَّ گلي، دگلي شربحت
وجاي تطلب مني السماح .. وتكَول أنسى الراح راح؟
ولك أشلون أنسى وأأمن بيك، ولو بعد يوم وياك أرتاح
..
يامن حرگ،وبدد أحلامي .. وبالحزن غيم،ومطر أيّامي
على الحلوه والمره .. على الثلجه والجمره
منو العاش بينه وتحمل .. والضعف والخلص صبره
عندك وجه يافلان وتگدر،دگابلني بيه، توگفلي كَدامي
وجاي تطلب مني السماح .. وتكَول أنسى الراح راح؟
ولك أشلون أنسى وأأمن بيك، ولو بعد يوم وياك أرتاح
..
أني لو أنتَ ياظالم .. من حجر گلبه، لو من حديد
ربي أدرى وهوا عالم .. ماعشگ يوم، وغيرك يريد
تبچي المن، جاي نادم .. رغم دمعك راح أقاوم
راح أگلك أبعد أبعد .. أعتذارك لا، لاتظنه يفيد
وجاي تطلب مني السماح .. وتكَول أنسى الراح راح؟
ولك أشلون أنسى وأأمن بيك، ولو بعد يوم وياك أرتاح
..
حكمت البيداري
17ـ2ـ2006