أسمك ياعراق

موضوع: أسمك ياعراق الخميس أكتوبر 25, 2007 6:26 pm

أسمك ياعراق

أسمك ياعراق وين ينام . وين ينام ويغفى
شفى أتغار وتحسد . تغار وتحسد شفه
أحتار الگلب يضمك وين .. لكل دگه تصحالك عين
أسمك ياعراق .. وين ينام ويغفى
..
أسمك لو ناديته .. لو ناديته يتمنى
بصوته البلبل بيه .. يغرد بيه ويتغنى
حلو النغم حلو المعنى .. هلاهل أعراس وحنى
أسمك ياعراق .. وين ينام ويغفى
...
أسمك مثل الغيمه .. مثل الغيمه الطيبه
تمطر فرح وخير .. فرح وخير حبيبه
نافوره من مي الجنه .. العطشان عليك يتعنى
أسمك ياعراق .. وين ينام ويغفى
...
أسمك شمس وتشرق .. تشرق وتمحى الظلمه
أتشوف التايه وين .. دربه منين أتعلمه
تعلمه وين دربه منين .. مو لمفتح حتى الأعمى
أسمك ياعراق .. وين ينام ويغفى
..
حكمت البيداري

» لا لتقسيمك ياعراق ..
» ياعراق أرجــع ولمنــــا ..