گوه عايش

گوه عايش

گوه عايش ، گوه أتنفس هوا
بوجه الشمس وعيوني ما شافت ضوا
أحس نفسي مالي لزوم
بس للقهر، بس للهموم
إيه ..
إيه يا روحي، هذا قدرنا
ونبقى نتألم سوا ...

وياچ يادنيا الجنيته
بس عذاب
تعبي ضيعته ولگيته
چف تراب

الفرح ما مرني مره
بالچذب وهم وسراب
الألم بضلوعي جمره
نار وصلت للثياب

الطب سگاني الوان السموم
كنت أتأمل تشفيني وأگوم

عذبت وياي روحي
علتي ما الها دوا ..

أنهدمت أحلام عمري
ظلت خراب
خلصت اسنين صبري
بلا ثواب

اللحد مفتوح بابه
للناس شيب وشباب
الجسد راد لترابه
لابد من يوم الحساب

يا أجل عجل . القدر مقسوم
فوگ جسمي كافي تحوم

بلا أمل خلصت حياتي
ثمره ما الها نوا.
..

حكمت البيداري
بغداد